February 29, 2020

विक्रम आणि वेताळ आठवते का? काय होते या कहाणीचे रहस्य? जाणून घ्या संपूर्ण माहिती

विक्रम आणि वेताळ 

साधारण ९०च्या दशकात , विक्रम-वेताळ किंवा सिंहासन -बत्तीशी नावाच्या मालिका tv  वर दाखविल्या जात आणि लहानांबरोबर मोठेही त्याला आवडीने बघत .  त्याला कारण होतं  , शूरवीर राजाला प्रश्न करणारा धूर्त वेताळ आणि तितक्याच बुद्धिचातुर्याने त्याला उत्तर देणारा राजा विक्रमादित्य आणि त्या दोघांमधील कथारूपातील संवाद !

Loading...
Loading...

 तर मंडळी एका जगजेत्या  राजाने , झाडावर उलट्या लटकणाऱ्या वेताळाच्या मागे जाण्यात काय कारण असेल ? हा वेताळ नक्की कोण होता ? तर वेताळ पंचविशी ह्या साधारण २५ कथा आहेत ज्या साधारण २५०० वर्षांपूर्वी महाकवी सोमदेव भट्ट यांनी लिहिल्या होत्या. 

Loading...

हि कहाणी घडली होती , आजच्या मध्यप्रदेशातील उज्जैन गावात , फार पूर्वी तेथे विक्रमादित्य राजा राज्य करत होता. त्याच गावात एक अघोरी मांत्रिक राहत होता ज्याला ३२ लक्षणांनी युक्त ब्राह्मण  पुत्राला बळी देऊन अनेक अघोरी विद्यांना आत्मसात करायचं होतं , या सर्वांचा उपयोग तो अर्थातच लोकांचं वाईट करण्यासाठी करणार होता . जसं  ब्राह्मण पुत्राला त्याच्या या कुटील डावाबद्दल कळलं तसं तो वनात पळून गेला आणि त्याने एका प्रेताची मदत घेतली , या प्रेताने त्याला अनेक विद्या बहाल केल्या आणि एखाद्या वेताळाप्रमाणे झाडाला लटकून राहण्याचा सल्ला दिला . आता या शक्तींमुळे तांत्रिकाला त्या मुलापर्यंत  पोहोचता येईना . 

Loading...

यावर तांत्रिकाने युक्ती केली त्याने एका योग्यच वेष परिधान केला आणि विविध युक्त्या करून विक्रमादित्य राजाचं  मन जिंकून घेतलं . खुश राजाने त्याला हवं ते मागायला सांगितलं . यावर योग्याच्या वेशातील मांत्रिकाने त्याच्याकडे वेताळाची मागणी केली . 

Loading...

त्याला दिलेल्या वचनानुसार , राजा विक्रम वेताळाला पकडायला वनात गेला . वेताळाच्या लक्षात ही  गोष्ट आली परंतु तो राजाला मना करू शकत नव्हता म्हणून त्याने राजाबरोबर नगराकडे  जाताना त्याला एक कहाणी सांगायला सुरुवात केली , कहाणीच्या शेवटी तो राजासमोर अट  ठेवी की त्याने कहाणीनंतर विचारलेल्या प्रश्नाचं  योग्य उत्तर ना दिल्यास तो राजाला ठार करील आणि कहाणी संपण्याच्या आधी तोंड उघडल्यास तो परत झाडाला जाऊन लटकेल . आणि यात एक एक करून २४ कहाण्या त्याने राजाला ऐकवल्या आणि त्यानंतर मात्र त्याला राजाबरोबर मांत्रिकाकडे यावं लागलं . मांत्रिकाने आनंदाने प्रेताला उतरवून त्याला बळी  देण्याची तयारी केली आणि सरतेशेवटी राजाला देखील मान झुकवून प्रार्थना करण्याची विनंती केली. 

Loading...
Loading...

राजाला अचानक वेताळाने सांगितलेली गोष्ट आठवली आणि त्याने म्हटले की  ” मी राजा असल्याने मी आधी मान झुकवणार नाही तेव्हा योग्याच्या रूपातील तांत्रिकाने आधी मान झुकवावी “. योग्याने तसेच केले आणि राजाने तलवारीने त्याची मान छाटली आणि ब्राह्मण पुत्राला मुक्त केले . या नंतर ब्राह्मण पुत्राने त्याला वर मागण्यास सांगितले तेव्हा राजाने ” त्याने सांगितलेल्या २४ आणि तांत्रिकाचा वध  अश्या , २५ कहाण्या अजरामर होऊन सर्व लोकांनी त्याचं  वाचन करावं त्याचा बोध घ्यावा “! वेताळाच्या रूपातील ब्राह्मणाने राजाला “तथास्तु ” म्हणून आशीर्वाद दिला आणि तो तेथून चालला गेला . 

Loading...

आज २५०० वर्षांपेक्षा जास्त होऊनही लोकं  या कहाण्या पाहतात, वाचतात आणि ऐकतात आणि आजच्या जगाला साजेलसा  बोध ही त्यातून घेतात , आणि हीच खरी श्रेष्ठता  आहे आपल्या प्राचीन साहित्याची !

Loading...
Loading...
Loading...